Sin título

Comentarios

Sobre o lenzo espido, interpretado como un campo de acción, o artista desprega toda a súa creatividade, a súa cor e a súa forza expresiva.

Asistimos á representación dunha estraña paisaxe poboada de pequenos seres, de tímidos rostros, un elemento figurativo que non interrompe o discurso da obra.

A tea é belixerante, agresiva, destacando o emprego de rosas, verdes, amarelos e morados combinados con manchóns de cor que parecen amorearse con maior intensidade no centro, configurando unha composición que se expande cara ós lados. A tensión é evidente na disposición dos trazos que describen movementos contrarios, o percorrido vertical dos brochazos na zona central oponse aos ritmos horizontais, dominantes na obra, xerando unha sensación de difícil equilibrio.

O autor exercita a súa creatividade persoal aprendida da súa paixón polos expresionistas americanos. A pincelada é segura, acompañada dun continuo chorreo e goteo de pintura, de brochazos, que lle outorgan á obra unha lectura vertixinosa, delirante, que abruma e non deixa indiferente ao espectador.

Exposiciones

"Colección Caixanova. Unha visión da arte contemporánea galega". Centro Torrente Ballester. Ferrol, do 21 de marzo ao 18 de abril de 2002.  Auditorio de Galicia. Santiago de Compostela, do 26 de abril ao 28 de xullo de 2002. Pazo da Cultura. Pontevedra, do 3 de outubro ao 30 de novembro de 2002.