Señor con sombrero (El Indiano)

Comentarios

A pintura de Masiá está poboada de personaxes curiosos e de vivencias persoais onde combina a súa admiración por Antonio López, cunha abstracción persoal que xera un territorio plástico ambiguo e rico.
A obra, realizada nunha monocromía de cores, grises, brancos e negros, organízase a base de tres grupos de figuras. A posición central está ocupada por un home, vestido cun traxe branco e sombreiro, acompañado por un rapaz negro. Á esquerda, preséntase un tema moi querido polo autor, unha maternidade e, na zona superior, un retrato de dama, introducindo o xogo de cadro dentro do cadro. As figuras sitúanse sobre un fondo en dúas tonalidades de gris que as sitúa no interior dunha estancia.
A paleta que emprega na obra, a limpeza da pincelada e, sobre todo, o vestiario e a estética dos personaxes, remiten ó mundo do retrato fotográfico en branco e negro de comezos de século, ós retratos de indianos e emigrantes, conservando intacto ese sabor a fotografía antiga nos matices amarelados da obra.