Comentarios
A suxestión, máis cá descrición, caracteriza o debuxo de Cristino Mallo. A figura, de pé, parece coma se dese un paso e movese a cabeza, realzada por sombras que lle dan corpo, ocupando o papel de arriba a abaixo. É un dos moitos estudios que fixo da figura feminina en distintas posturas e xestos de movemento, algúns dos cales lle serviron para as súas creacións como escultor.