Comentarios
A Carlos Sobrino gustoulle reflectir nas súas obras escenas e lugares característicos das provincias de Pontevedra e A Coruña, cun estilo realista, dentro do que se chamou rexionalismo costumista. Na escena de Muros, as pequenas figuras, entretidas nunca esquina da aldea, obrígannos a pararmos a ver as cousas. A arquitectura defórmase coa perspectiva, que fai resaltar as arcadas e os balcóns, que se apoian en robustos modillóns. A claridade realza o colorido da roupa e as calidades das pezas do bodegón.
