Comentarios
Creador dunha pintura singular, cun persoal universo iconográfico, no que contan os recordos da infancia, a paisaxe da súa terra e as escenas campesiñas con frecuentes alusións a seres queridos; busca Abreu, como Chagall, e como Kandinsky, no mundo da aldea os rastros dunha vibración espiritual non contaminada. Dá, nesta obra, especial protagonismo ós animais domésticos que se erixen en personaxes do cadro. As aves de curral, reducidas a rítmicos tracexos de cor, nun ambiente de gran luminosidade parecen manter entre elas unha relación semellante á dos seres humanos.
Bibliografía
"Pontevedra con Centroamérica" catálogo, Deputación Provincial de Pontevedra, 1999, coa obra reproducida na páx. 36.
Exposiciones
Auditorio Caixavigo, poxa a beneficio dos damnificados do furacán Mitch, 1999.
