Ropas

Comentarios

A primeira exposición individual de Datas en Galicia ten lugar na Sala de Exposicións de Caixavigo en 1970. Artista de actitude independente, dunha ou doutra maneira, sempre foi relacionado con iniciativas xurdidas ó fío da modernidade, como Atlántica. “Ropas” pertence a unha etapa anterior a ese movemento que xurdiu en Baiona nos anos 80. Atrae o tratamento que Datas dá a este motivo da roupa, pola súa beleza imprecisa e pola suxerencia dunha realidade que el traslada ó cadro. A roupa, deixada ó caer e colocada sobre un embaldosado en diagonal que insinúa o espacio provoca tensións e evoca vivencias cunha técnica de exquisita calidade pictórica, en harmonía de azuis e rosados con algúns marelos.

Exposiciones

"Alberto Datas". Centro Cultural Caixanova. Vigo, do 12 de abril ao 12 de maio de 2002.  Aula de Cultura Caixanova. Ourense, do 16 de maio ao 16 de xuño de 2002.