Comentarios
Con esa dicción propia e diferenciada que o distingue, insinúa levemente a ventá e as cebolas que colgan do teito do cadro, case tan suaves e lixeiras coma as flores suxeridas no ramo do floreiro. Xoga o pintor con elementos utilizados noutras obras como o cestiño alongado que contén as mazás ou o floreiro decorado que antes viamos diante dunha ventá pechada e agora parece suspendido sobre o mar. Nestas composicións de bodegóns sobre o mar da Ría de Pontevedra non quere face-la panorámica dunha paixase nin un inventario de elementos de bodegón senón fixar sobre o papel un clima de ensoños e recordos de momentos vividos, como un preclaro poeta da imaxe.
