Comentarios
Ten preferencia polos motivos silenciosos e os lugares afastados que permiten a contemplación e o paso do tempo. Nesta paisaxe portuaria, cun punto de vista rasante, fai converxer todas as miradas no horizonte onde se agrupan os barcos, á espera, nun lugar protexido, o fondeadoiro de Bouzas. Harmoniza o cromatismo que o óxido crea sobre o metal e o verdello que cobre as lousas de pedra do peirao, coa brillante iluminación da auga que acentúa o solpor, nun espacio subxectivo con acentos de soidade e de nostalxia.
