Comentarios
A dita estampa executouna o litógrafo Fichot sobre un debuxo de Villaamil, que lle dedicou a Toledo 44 láminas na “España Artística y Monumental”. O romanticismo da época puxo de moda as escenas de interiores de arquitecturas animadas, de forma convencional, con figuras de porte popular. Todo respira encanto e vida, uns piden esmola, outros rezan e dous sacerdotes, vestidos con sotana e sobrepeliza, pasan por diante da artística porta. A luz ambienta este rincón da Catedral que se converte nun testemuño da época, inseríndose o artista dentro do mundo costumista con certo acento romántico.
