Comentarios
Con rasgos esquemáticos e sombras controladas plasma unha escena viva que reflecte o ambiente da feira. A superficie do cadro convértese nun lugar no que acontecen cousas. Un señor con sombreiro, apoiado nun bastón, ergue o brazo facendo un xesto de saúdo cara a nós; un rapaz fala con súa nai e, máis arriba, outras personaxes móvense e conversan. A cor, discreta, a base de verdes, marróns e grises, engádelle feitizo ó conxunto, xogando cos trazos do carbón que vibran sobre o gran do papel e reservas baleiras que reteñen a luz.
Bibliografía
"Do Romanticismo ós anos vinte" maio-xunio 1996, Centro Cultural Caixavigo.
