Comentarios
Sobre un gran sofá de vimbio, onda a un coxín branco de labor de gancho, unha rapaza, tendida boca abaixo, dálle as costas á súa moneca e observa o movemento dun caracol. Con elementos seleccionados do seu propio contorno, aborda un tema profundo ao que o talento mistificador da autora outorga un belo efecto artístico. Minuciosa nos detalles, reproduce con exactitude a roupa e mailo urdido do sofá, aplicando unha pintura plana en acorde de verdes, alaranxados, morados, marróns e brancos.
