EL CLAN

Comentarios

Fabulador de historias con imaxes imposibles e visionarias, o autor concibe unha obra na que se esconden múltiples referencias e símbolos iconográficos onde nada é o que parece.

Un home de mediana idade, co rostro de perfil, aparece acompañado dunha serie de acólitos como un mono con gafas ou unha cegoña. As figuras sitúanse sobre un círculo vermello que recorda a unha lúa, que dá paso ó fondo negro da obra. Sen dúbida, o personaxe principal é un bispo vestido cunha curiosa roupaxe relixiosa verde-anfibio e toucado cunha mitra-cola de pez.

O ton satírico está presente nesta obra cargada de barroquismo a través de alegorías e de suxerentes imaxes con dobre sentido. Asistimos a unha lección de Historia da Arte con referencias ó Bosco, a Arcimboldo, ós creadores surrealistas, que lle serven de inspiración para expoñer o seu antidogma persoal, unha crítica á irracionalidade do noso mundo dende a súa particularísima forma de velo e de entendelo.

A factura da peza é acabada, a pincelada minuciosa e o debuxo preciso, case caligráfico, que sorprende pola potencia do seu realismo e a forza da cor acendida, que lle dá a modernidade necesaria para que a obra resulte actual, filla do noso tempo.

Exposiciones

"Vicente Arnás. Realismo Fantástico". 1995. Sala de Exposicións da Aula de Cultura de Caixaourense, Ourense