LOS ALGUACILILLOS

Comentarios

A atracción que o artista sente polo mundo do toureo é evidente nesta obra suxerente e enigmática na que os alguacilillos son, en realidade, o mesmo personaxe reflectado nun espello.

Vestido co tradicional traxe de alguacil do século XVII, con chambergo de plumas e colo de lenzo branco con reberete de encaixe, o personaxe está acompañado do cabalo, convertido nunha peza de xadrez que simboliza o cabalo real co que realiza o paseo na praza.

A técnica é dunha extraordinaria calidade, acadando vistosos resultados gracias á combinación de diferentes materiais coma o pastel, a acuarela e o gouache, que lle permiten ó autor recrearse nos detalles máis insignificantes, algo evidente nos rostros e nas teas, realizando un debuxo de trazo meticuloso e caligráfico. As calidades, case transparentes, dos xibóns retan ó autor a desprega-la imaxinación e desenvolver, como proxectadas nunha pantalla, novas e surrealistas visións.

A cor concéntrase nas plumas e nos sombreiros que se dilúen e converten en manchas brillantes que se derraman e animan o fondo neutro do cartón, provocando esa fascinación que obriga ó espectador a dedicarlle á obra unha intensa atención.

Exposiciones