Comentarios
Neste período realiza obras nas que se preocupa polo nu e as roupaxes, perfeccionando cada vez máis o debuxo e abordando a cor e o efecto do claroscuro. Recorre con frecuencia a temas bíblicos. Representa aquí unha escena que se describe no Libro de Job, na que o personaxe, enfermo e afastado de todos, recibe a visita de tres amigos. Nela demostra xa o seu dominio da composición e do debuxo así como a súa capacidade técnica.
EXPOSICIÓNS: "Parada Justel" Museo Arqueolóxico Provincial de Ourense e Centro Cultural Caixavigo, 1991.
BIBLIOGRAFÍA: Belén Lorenzo Rumbao "Parada Justel", catálogo da exposición de 1991, organizada polo M. Provincial de Ourense e Xunta de Galicia, coa obra reproducida e catalogada na páx. 78.
