Comentarios
Os paxaros de Solveira son formas sinxelas esquemáticas que parecen flotar naquel espacio primordial no que se pode capta-lo rumor das persoas e mais das cousas, cunha poética que se aparta do automático e do cotián, para suxerir por encima da realidade.
A figura do paxaro, detida no silencio do negro, parece estremecerse co cromatismo do fondo que se espalla en vermellos, amarelos e tons verdosos con lampos brancos nun espacio aberto á interpretación de cada un sen ningún tipo de simbolismo.
