Comentarios
Nestes pequenos formatos fixa Quesada impresións que se desencadean a partir de motivos percibidos dos que quedan a penas vestixios figurativos, rasgos que son unha referencia sobre o significado do cadro pero non o seu tema. Ante eles non hai que buscar argumentos nin contidos, nin nada que traizoe ou distraia dalgún xeito do único que ha de ser obxecto o cadro, que é a mera sensación de que estamos ante unha obra de arte. O pintor parte dunha leve estructura sobre a que tece un xogo de acordes marróns, rosas, verdosos, azuis e brancos, coma se dunha pequena peza sinfónica se tratase
