Comentarios
Retrato de busto lixeiramente ladeado cara á esqda. A muller vestida de negro, adobiada con pendente, leva un veo sobre a cabeza e sostén o libro cunha man mentres leva a outra á fronte para persignarse. A súa figura destaca sobre un fondo neutro con luces que realzan a expresividade do seu rostro, penetrando o pintor na íntima realidade da modelo, que foi captada nunha instantánea natural, cunha dedicación especial para as mans.
