MENINA

Comentarios

Foron moitas as glosas que realizou Picasso sobre temas doutros artistas como “Las mujeres de Argel”, de Delacroix, en 1955, ou “Déjeuner sur l’herbe”, de Manet, en 1957, e antes destas datas xa glosara obras de Poussin e Courbet. Pero a glosa máis importante foi a serie de “Las Meninas” de Velázquez, que executou entre o 17 de agosto e o 30 de decembro de 1957, no estudio La Californie, en Cannes. Nela analiza e interpreta os personaxes e o ambiente da obra de Velázquez. A litografía “Menina” está entintada en negro cunha cor aveludada de gran calidade. Picasso realizara a súa primeira litografía en 1919 e, a partir de 1945, comezou a traballar cos irmáns Mourlot, especialistas na tiraxe litográfica.