Comentarios
Manchas, raias, arrastres de pintura, bucles..., son as pegadas que o corpo deixa sobre a tea ao entrar en contacto directo coa superficie pictórica. Son xestos espontáneos que se traducen en achados rítmicos, grafías que abranguen desde os simples trazos curtos cos dedos a unha textura de manchas algo máis complexa. É un rexistro de impulsos, como unha afirmación do "ser" da pintora que establece co cadro un conxunto de relacións emocionais.
Bibliografía
"Arte e Solidariedade", catálogo da exposición, reproducido na páx. 34.
Exposiciones
"Arte e Solidariedade", do 24 de novembro ao 24 de decembro de 1995 na Casa das Artes, Vigo.
