Comentarios
A personaxe, coa figura de perfil e os pés descalzos, dóbrase cara adiante, cortando cunha fouce as espigas que suxeita coa man. O tema é un pretexto de referencia simbólica que alude ó verán, a estación da sega. Con grande sensibilidade poética coordina o debuxo, de liñas fluídas e trazo seguro, co colorido, suave e fresco, que matiza as formas, conxugando a elegancia coa plasticidade e vigor expresivo da obra que ilustra o libro «Las Geórgicas», publicado por Ed. Poseidón.
Bibliografía
«Las Geórgicas», Ed. Poseidón 1945; reproduce a obra na páx. 43.
