Comentarios
A litografía inclúese dentro da obra «España artística y Monumental», dirixida por Villaamil, que contou co marqués de Remisa como mecenas e Patricio Escursa como colaborador literario. O pintor, autor da maioría dos debuxos, encargou as litografías ós máis prestixiosos litógrafos da época, os nomes dos cales aparecen fóra da prancha de cada gravado. Reproduce o montañoso Paso de Pancorvo, que comunica a meseta castelá co val do Ebro, na provincia de Burgos, á que dedicou nolibro 19 láminas. cunha exposición escenográfica ordena a paisaxe encadrando o sendeiro con montañas que limitan os bordos laterais da composición, envolta en brétemas románticas. Rabaños de ovellas, guiados por pastores, atravesan o desfiladeiro, humanizado a escena cunha nota de cor.
Bibliografía
F. Pablos "Do Romanticismo ós anos vinte", catálogo da exposición, reproducido co nº 3
Exposiciones
"Do Romanticismo ós anos vinte" maio-xuño 1996, Centro Cultural Caixavigo.
