Comentarios
Crea un espacio, de carácter escénico que nos sumerxe nun clima visionario. En primeiro termo destacan dúas caretas enfrontadas, apoiadas no bordo inferior da tea; ó fondo, de pé,aparece un torso feminino de sinuosos perfís, realzado cunha elegante cor bronceada. O pintor xoga coa carga do misterio que impoñen as máscaras e a dicción case metafísica da presencia feminina, movéndose entre o onírico, poético e a fantasía. Á situleza do relato únese o dominio da técnica, alternando zonas que deixan ve-lo gran da tea, coma se o pigmento se filtrase desde o revés da mesma, e zonas de materia máis mesta, con exquisitos resultados.
