• Español
Colección de arte
  • Colección
  • Artistas
  • Obras
  • Préstamos
  • Tenda
  • Visitas
  • ico-home Colección
  • ico-artists Artistas
  • ico-obras Obras
  • ico-prestamos Préstamos
  • ico-shop Tenda
  • Visitas
Inicio Colección Artistas
Ficha de autor

XUXO VÁZQUEZ

VÁZQUEZ PARDO, JESÚS

( Vigo 1948 - )

Biografía

Deuse a coñecer con mostras persoais nos anos setenta. Percorreu medio mundo, co desexo de ver e aprender. Participou en exposicións colectivas e acadou premios. Entre outros certames nos que se exhibiu a súa obra están as Bienais de Pontevedra, a partir de 1970, Trienal de Santiago de Compostela, en 1974, Marbella, Barcelona, Valdepeñas e Santander.
Realizou monumentos públicos e obras escultóricas integradas na arquitectura, por exemplo no Palacio de Xustiza da Coruña, co arquitecto Xosé Bar Bóo.
É un excelente medallista e destacou nesta modalidade, con galardóns, nos premios «Tomás Francisco Prieto», da Fábrica Nacional de Moeda e Timbre de Madrid, en 1974 e 1984.
Está representado nos museos de Galicia, no de Valdepeñas e noutros provinciais de España.
Suso Vázquez coida extraordinariamente a morfoloxía das súas pezas, tanto en bronce coma en pedra. Desde a súa inicial figuración evolucionou cara a abstraccións arestadas, influídas por Boccioni, nas que acada fermosísimas combinacións na textura do bronce, desde a súa superficie escura á dourada brillante. Os mármores trátaos cunha morbideza absoluta. Volumes curvos, con perfís arestados, de vaga referencia figurativa permítenlle composicións moi harmónicas. A imaxinación e maila exquisitez da súa obra alcanza o rango máximo na columna integrada do mencionado edificio.

Bibliografía

20 años de arte en Pontevedra. Artistas galardonados en las bienales, Diputación Provincial, 1989, Pontevedra.
PABLOS, F.: Plástica gallega, Caja de Ahorros Municipal de Vigo, 1981, Vigo.
Enlace páxina web do artista: https://xuxovazquez.carbonmade.com/

Obra

  • Torso

    Torso 1978

  • Pomba

    Pomba 1990

  • Guerrero

    Guerrero 1989

  • Pomba

    Pomba 1980

Ver todas as obras ico-arrow-right
  • Aviso legal
  • Política de cookies
Copyright 2019 © Fundación Galicia Obra Social © Das reproducións autorizadas, VEGAP, A Coruña, 2019
  • Colección de Arte Afundación

    Policarpo Sanz, 24-26. 36202 Vigo
    coleccion@afundacion.org
    986 12 00 84 / 986 12 00 78