SUSY GÓMEZ

Susy Gómez nada en Polleça, comeza a desenvolver a partir de 1994 unha liña de traballo centrada na apropiación e transformación de imaxes procedentes de revistas de moda e publicidade. Estas fotografías, vinculadas o luxo e aos modelos estereotipados de beleza feminina, son sometidas pola artista a un complexo proceso de manipulación material e conceptual. Sobre as imaxes impresas aplica diversos materiais e técnicas para posteriormente #volver fotografar en series, ocasionando que o groso da súa produción póidase clasificar como interdisciplinar. Susy modifica a súa escala e transforma o seu soporte, converténdoas en novas construcións visuais afastadas da súa función orixinal.

Este procedemento permítelle cuestionar os mecanismos de sedución, consumo e representación impostos pola cultura contemporánea, á vez que reflexiona sobre a construción social da identidade feminina. As modelos que aparecen nas súas obras son simultaneamente divinizadas e cousificadas: corpos suspendidos á Voyage. As súas miradas, aparentemente baleiras ou distantes, funcionan como metáforas dunha subxectividade contemporánea atravesada pola exposición pública e o artificio mediático. A mirada de Susy caracterízase por transformar obxectos cotiáns, residuos, en materia artística. Deste xeito, as súas instalacións e fotografías funcionan como espazos transitables, escenarios emocionais onde o espectador participa activamente na reconstrución do sentido.

Entre as súas exposicións individuais máis salientables atópanse Je ne savais pas que l’amour c’était une maladie na Galería Toni Tàpies de Barcelona (2003), Como durmo na Galería Horrach Moyá de Palma de Mallorca (2003), Parcours par coeur no Museo de Navarra (2004), Como o fluxo do amor na Galería Horrach Moyá (2004) e a exposición realizada na Galería Luis Adelantado en 1994, decisiva na consolidación da súa traxectoria artística.