ELISA ABALO

Elisa Abalo é de vocación artística temperá, manifestada durante a súa adolescencia, o que lle permitiu achegarse ao mundo da arte de xeito intuitivo e progresivo, recibindo nos seus inicios o apoio e consellos do pintor Manuel Pesqueira, figura fundamental pois é quen estimulou a súa dedicación artística. Sen formación académica relacionada ao ámbito artístico, Elia Abalo é unha autodidacta que desenvolve a súa traxectoria a través da práctica continuada, a observación e a experiencia privado, circunstancias que explica a aparencia espontánea e ás veces próximas ao naid dalgunhas das súas obras iniciais, así como a libertada estilística que caracteriza a totalidade da súa produción. 

A partir de 1970 inicia unha actividade expositiva constante, participando en mostras colectivas en cidades como Madrid, A Coruña, Pontevedra ou Zürich. En 1974 realiza a súa primeira exposición individual na Caixa de Capacidades de Santiago de Compostela. Ao longo das décadas seguintes presentou a súa obra en espazos como o Círculo das Artes de Lugo, a sala Torrado de Pontevedra, o Hotel Araguaney de Santiago de Compostela, a Casa de Galicia en Madrid ou a Sociedade de Amigos de España de Zürich. En 2015, o seu estudo en Santiago de Compostela, está aberto ao público como Sala de Arte dedicada á exposición permanente da súa obra. 

A súa produción pictórica está marcada pola fidelidade ás súas orixes rurais, Elisa Abalo constrúe unha linguaxe emocional arraigada na Galicia campesiña, pero que se afasta do costumismo anecdótico. Os seus óleos céntranse nun universo memorial e cotián onde a figura feminina, as romarías, os nenos, as flores e a espiritualidade do camiño de Santiago configuran o seu repertorio iconográfico e son tratados cunha sensibilidade próxima á poesía visual. Esta traxectoria afectiva, evoluciona ata un período de madurez, onde a intención realista desaparece para deixar paso a unha obra moi subxectiva de verdade íntima. A nivel técnico, a súa obra combina composicións que evocan ao carácter impresionista en grandes formatos, pero que prestan especial atención aos detalles.  As súas obras presentan un cromatismo moi potente e contrastado que xunto ao tratamento da luz, carga os seus óleos dunha serenidade compositiva. Elisa Abalo destacou tamén como retratista.