Escolares 2021-22. OUTROS CAMIÑOS en AfundaciónTV

OUTROS CAMIÑOS. Proxecto escolar de posta en valor da diversidade

Claqueta Coqueta Producións

Galego/Castelán (subtítulos en galego), 60 minutos

3º, 4º, 5º e 6º Primaria, ESO e bacharelato

 

• Documental online | 6 e 9 de maio | visionado libre dentro do horario lectivo
• Encontro online en directo con Rubén Riós | 10 de maio | 10.00 h

 

«A túa película gustoume moito. Pero ti serías capaz de facer con nós máis de 500 km enriba da bici pola Ruta da Prata?» Esta era a pregunta que facía Javichu, piloto con parálise cerebral de Discamino, ao director Rubén Riós en xaneiro de 2019 na Sede Afundación de Vigo, despois de ver o documental Máis ca Vida realizado con persoas con discapacidade intelectual.

Nese instante, comezarían centos de quilómetros, días de aprendizaxe, sorrisos, apertas e bágoas onde os líderes dese camiñar, catro persoas con parálise cerebral, guiarían o resto do pelotón na aprendizaxe da relación das persoas coa diferenza humana. Un proxecto soportado polo espírito de superación, o esforzo e a recompensa que iso leva parello en todos os ámbitos da vida.

Ver trailer

 

ENCONTRO

Duración: 50 minutos

OUTROS CAMIÑOS levará consigo un encontro posterior co actor e director Rubén Riós, no que achegará ao alumnado os camiños que marcan as diferenzas humanas a través da tolerancia, entendemento, empatía e do respecto cara a nós mesmos e cara ao resto da sociedade. Aprendamos a relacionarnos coa diferenza, a crer nun mesmo e derrubar as fronteiras que nos limitan.

 

Inscríbete coa túa aula na web www.escolares.afundacion.org, entrando en Acceso Centros co código e contrasinal do teu centro e seleccionando Localidade Virtual. 

Máis información no 986 120 089