CAFÉ MODERNO AFUNDACIÓN | PONTEVEDRA
O proxecto expositivo interdisciplinar A VIDA LENTA reflexiona sobre as formas de vida vencelladas ao rural galego, a súa iconografía, a súa presenza na cultura contemporánea e a sostibilidade do medio. Da man de Aser Álvarez, director, guionista e produtor galego, «A vida lenta. Memorias e ritmos do rural galego», conxuga máis de 70 fotografías, máis de 40 minutos de pezas audiovisuais, fragmentos poéticos e música nun proxecto pensado como instrumento para fomentar o debate contemporáneo e a revisión dunha realidade esencial para a conformación da identidade en Galicia. Agora podemos ver esta exposición na Praza de San Xosé de Pontevedra até o 15 de xaneiro de 2022.
VISITAS DIDÁCTICAS PARA ESCOLARES
Visita conto | INFANTIL A 3º PRIMARIA | Do bo uso da curiosidade nace a creatividade
Un canto ao silencio, ao rechouchío dos paxaros e aos cantos dos grilos, á relación cos animais e a riqueza da terra. En plena era da tecnoloxía, a nosa sala de mostras será un lugar para a reflexión lenta, curiosa e creativa.
Visita creativa | 4º PRIMARIA A 2º ESO | Apagón tecnolóxico, só apto para valentes
Un planeta descoñecido, sen móbiles nin pantallas, sen plásticos nin latas. Unha viaxe ao inexplorado, este planeta é só mar, terra e apenas unhas poucas máquinas. A expedición máis arriscada nunca antes vista para un grupo de escolares que se enfrontará a unha auténtica apagada tecnolóxica...
Visita comentada | 3º ESO A BACHARELATO E CF | A VIDA LENTA. Memorias e ritmos do rural galego
Visita á mostra explicando a orixe das fotografías, significados e o enfoque xeral da exposición.
1 € ESCOLAR
Información e reservas no 986 333 210