Miguel Anxo Fernán Vello gaña o XIII Premio de Poesía Afundación. A Coruña

O venres 20 de maio a Sede Afundación da Coruña acolle o acto de entrega do XIII Premio de Poesía Afundación de 2015. Esta edición recae en Miguel Anxo Fernán-Vello pola obra Duración da penumbra, presentado baixo o lema «Sombra do aire».

 

Miguel Anxo Fernán-Vello (1958), nado en Cospeito (Lugo), é poeta, dramaturgo e editor (fundador de Edicións Espiral Maior). Foi galardoado, entre outros, cos premios Esquío, Xacobeo de Poesía da Xunta de Galicia, Martín Codax, Mellor Autor 2005 da Asociación de Escritores en Lingua Galega, Premio da Crítica Española nos anos 1985 e 2005 e finalista do Premio Nacional de Literatura en 1985, 1997 e 2005. Entre os seus títulos destacan Seivas de amor e tránsito, As certezas do clima, Memorial de brancura e Libro das paisaxes vivas.

 

Confirmación de asistencia a través deste formulario de inscrición ou no teléfono 981 185 060

O premio, convocado polo Centro Pen de Galicia, conta co patrocinio de Afundación e a Xunta de Galicia.