«Heroes Animados» en Vigo

A Sede Afundación de Vigo acolle do 29 de xaneiro ao 16 de abril a mostra «Heroes Animados», unha extraordinaria proposta que non deixará indiferente ninguén.

 

Visítanos de luns a venres de 17.30 a 20.30 h. e os sábados de 11.00 a 14.00 e de 17.30 a 20.30 h.

 

Entrada de balde!

 

«Heroes Animados» é unha exposición exclusiva para Afundación que pon á nosa disposición a orixinalidade, a innovación e a calidade do traballo realizado por un dos máis prestixiosos centros creativos do sector, Grangel Studio. Esta empresa barcelonesa conta nos seus 25 anos de existencia con importantes traballos a nivel internacional para filmes coma O príncipe de Exipto, Spirit, o corcel indomable, A ruta cara a El Dorado, Simbad: a lenda dos sete mares, O Espantatiburóns, Madagascar, Kung-Fu Panda, Como adestrares o teu dragón, A Noiva Cadáver, Hotel Transilvania, Piratas! ou Madagascar.

 

Descubre todo o proceso de creación que hai detrás dun filme de animación: desde a idea inicial do director, pasando polas creacións do deseñador ata chegar ao produto final. Así, poderemos ver as siluetas de todos os personaxes deseñadas para A Noiva Cadáver, algúns dos 50 paraugas que o debuxante Carlos Grangel lle presentou a Tim Burton para a película ou algunhas das 300 propostas creadas para o cabalo Spirit.

 

VISITAS GUIADAS

Chama ao 986 129 032 ou envía un correo-e a areaeducativavigo@afundacion.org e concerta unha visita guiada á exposición para grupos. O prezo é de 1 € por participante. 

 

Desde Afundación ofrecemos visitas guiadas en todas as nosas exposicións para público en xeral, público infantil ou grupos, segundo o caso. Varios especialistas guiarante polas nosas salas para coñecer en profundidade os contidos expositivos, saberás todos os detalles máis interesantes relacionados cunha determinada obra, un artista ou unha curiosidade da montaxe. Por tan só 1 € poderás afondar no fascinante mundo da arte, coñecendo de primeira man o máis salientable de cada proxecto.