Freaky. Teatro para escolares. Pontevedra
Dentro da programación para Escolares Afundación, chega a Pontevedra Freaky, de Blue Mango Theatre. Unha divertida función de teatro de actor en inglés para 4º, 5º e 6º de primaria. Estará na Sede Afundación do 25 ao 27 de xaneiro.
A obra afonda no problema do acoso infantil a través dun neno que o resto ve diferente e raro polo seu xeito de vestir e a súa timidez. Chega o tempo dos campamentos de verán e toda a rapazada aparenta divertida e animada, non sendo un neno, máis ben algo tristeiro, calado e vestido de negro, que se sente un freaky. Mais resulta que ese rapaz ten un sorprendente don, baila coma ninguén! No Festival do campamento vai demostralo...
Horario
10.00 e 12.00 h.
Estas actividades están destinadas exclusivamente á comunidade escolar.
Como reservar:
• Prazo de reservas ata o 30 de setembro de 2016.
• Solicitude a través dun formulario na web escolares.afundacion.org
• Solicitude dun máximo de 150 escolares por centro e actividade (agás A Coruña e Ferrol cun máximo de 100).
• Achega de 2 € (agás o Cinema Submarino, gratuíto) a ingresar no número de conta: 2080 5000 61 3040323643 ES 91. Ao efectuar o pagamento, cómpre indicar código de ingreso que comunicaremos ao confirmar a actividade. Prazo dunha semana antes da actividade para efectualo.
• Comunicación por correo-e das actividades asignadas, que así mesmo deberán ser confirmadas polo propio centro a través da web antes citada.
Máis información nos teléfonos 986 120 089 e 986 120 078 ou en escolares.afundacion.org