Entrega de Premios de Xornalismo Afundación 2015. Pontevedra

O mércores 26 de outubro faise entrega dos Premios de Xornalismo Afundación 2015 no Café Moderno de Pontevedra, na Praza de San Xosé. Desta volta, outórgase o Premio de Periodismo Julio Camba a Ramón Loureiro e o Premio de Xornalismo Francisco Fernández del Riego a Tamara Montero. 

 

Alfredo Conde Cid, Vitor Fernández Freixanes, Ramón Pernas López e Carlos Valle Pérez, como xurado, decidiron por maioría conceder o Julio Camba a Ramón Loureiro polo seu artigo en castelán Sombra y aire, publicado o día 27 de febreiro de 2015 en La Voz de Galicia. Un texto de carácter humorístico sobre a figura do bispo Pedro Muñiz. E pola súa banda, o premio Fernández del Riego a Tamara Montero por Botóns escuros, publicado o día 28 de novembro de 2015 tamén en La Voz de Galicia. Un recordo á figura de Xosé Neira Vilas e a Memorias dun neno labrego, a obra máis recoñecida do autor, un clásico da literatura galega.

 

Organizan: Ámbito Cultural de El Corte Inglés e Afundación.

 

Horario

20.00 h.