O Espazo +60 Afundación de Pontedeume organiza un obradoiro interxeracional de adornos de Nadal

O Espazo +60 Afundación de Pontedeume (Ferreiros, 20) organizou un obradoiro interxeracional de creación de adornos de Nadal que terá lugar mañá mércores 27 de decembro en horario de 18.00 a 19.30 h.

Xunto aos socios e socias do centro, nel poderán participar nenos e nenas de entre 5 e 12 años para elaborar conxuntamente as típicas coroas de Nadal que tradicionalmente se colocan nas portas das casas durante estas datas.

Esta proposta enmárcase no programa «O valor da experiencia» da Área de Envellecemento Activo de Afundación, que ten como obxectivo potenciar o papel activo das persoas maiores na sociedade e o desenvolvemento de actividades interxeracionais e de voluntariado.