Sesión de contacontos interxeracional para celebrar as Letras Galegas na EI Zalaeta de Afundación
20.05.2022. A Escola Infantil Zalaeta de Afundación conmemora o Día das Letras Galegas cunha xornada de contacontos interxeracional a cargo do grupo de monicreques La Tarara, formado por socias do Espazo +60 Afundación da Coruña. A adaptación da obra, a escenografía e as propias marionetas foron realizadas polos voluntarios e voluntarias integrantes do grupo de monicreques La Tarara.
As imaxes están dispoñibles aquí:
https://drive.google.com/drive/folders/17RzS5s9eWWei6EFeHdISZNJZxNRJzlIc?usp=sharing
O GRUPO DE TEATRO DE TÍTERES LA TARARA
La Tarara naceu en 1993 por iniciativa dun grupo de socias e socios afeccionados ao teatro e á artesanía. Desde o comezo elaboraron artesanalmente os monicreques e todo o atrezzo que precisan para as súas representacións. Aínda que os seus repertorios están dirixidos a grupos diversos, orientan as súas actuacións a fins sociais e solidarios, favorecendo, como nesta ocasión, os intercambios xeracionais ou achegándose a públicos que teñen un acceso máis restrinxido a este tipo de representacións, como as persoas que están internadas en hospitais ou en centros xerontolóxicos.
Toda a información da actividade de Afundación, na nosa SALA DE PRENSA.