Récord de visitantes na Sede Afundación Vigo á mostra dos beléns presentados ao concurso da Obra Social ABANCA

Ata o 7 de xaneiro, de 11.00 a 14.00 h e de 17.00 a 20.30 h, excepto o día 5, que permanecerá cerrada, estará aberta ao público, na Sala de Exposicións da Sede Afundación Vigo, a mostra de todos os beléns que nesta 57 edición do premio se presentaron ao concurso. Desde o pasado 1 de decembro, día da súa inauguración, foron xa máis de 20.000 persoas as que a visitaron, acadando, así, un récord de público.

O Concurso de beléns de Afundación é un referente na tradición cultural do Nadal en Galicia que este ano cumpre a súa edición número 57. O premio na categoría xeral, a gañadora foi Guadalupe Soto Sanromán, o segundo premio recaeu en PP Somascos, e o terceiro, en Ballesol Pontevedra. Na categoría para colectivos formados por menores de 16 anos, o xurado decidiu conceder o primeiro premio a CEE Saladino Cortizo; o segundo, ao belén presentado por Outeiro do Sino, e finalmente, o terceiro premio ao Colexio Ángel de la Guarda, 1.º ESO A. Os accésits distinguiron a Fundación Monte do Gozo Proxecto Home Vigo, Juan Manuel Avendaño Rodríguez, Fundación Educativa San José de Cluny Vigo, Domusvi Vigo, Esclavas de la Virgen Dolorosa, Casa de Fátima y Cristo Rey, Familia Toledano Román, e María José Troncoso Rodríguez.

O xurado salientou, en primeiro lugar, a satisfacción por atopar, tras 57 anos de convocatorias, novas propostas, materiais orixinais e universos creativos. Ademais, remarcou que a destreza coa que se abordan algúns traballos se complementa coa ilusión que emana doutros, coma no caso das mensaxes relativas á paz e á sostibilidade.

Todos os traballos presentados se abordan dun xeito creativo que segue a sorprender edición tras edición, na elección dos encadres, nos materiais, na inspiración e no esforzo que se aprecia nos beléns presentados.