Afundación acolle o espectáculo musical para público infantil 'Monster rock' en Vigo, Santiago e Pontevedra
Afundación, a Obra Social de ABANCA, acollerá nas cidades de Vigo, Santiago de Compostela e Pontevedra o espectáculo musical para público familiar Monster rock. Una historia musical terrorífica. Poderase ver o 31 de outubro, ás 19.30 h, no Teatro Afundación de Vigo; o 1 de novembro no Auditorio ABANCA de Santiago de Compostela a partir das 18.00 h; e no Auditorio da Sede Afundación de Pontevedra o venres 2 de novembro ás 18.00 h. As entradas están dispoñibles na web Ataquilla.com.
Monster rock. Una historia musical terrorífica é un espectáculo musical protagonizado polos monstros o Home invisible, o Lobo, Frank, Vampi, o Profesor Hyde, Momi e Ghost quen se terán que enfrontar ao seu medo á escuridade. Para celebrar a festividade de Halloween dun xeito diferente e en familia, os espectadores poderán asistir á función disfrazados.