Afundación TV emite unha clase maxistral a cargo de David Rubín, un dos historietistas contemporáneos máis importantes

Afundación TV emitirá mañá venres 6 de maio, a partir das 19.00 h, unha clase maxistral a cargo de David Rubín, un dos nomes fundamentais do cómic a nivel internacional. A sesión foi gravada o pasado mes de xaneiro na Sede Afundación da Coruña, onde se celebrou con motivo da exposición «Sacrificio e ascensión. 15 anos de cómic de David Rubín», a máis importante retrospectiva do recoñecido artista galego.

Neste encontro distendido, emitido no marco da celebración do Día do Cómic Gratis, David Rubín reflexionará sobre a súa traxectoria, o seu proceso creativo e as claves que definen a súa obra.

Para acceder á emisión só é preciso realizar a inscrición nesta ligazón.