A Sede Afundación A Coruña acolle unha videoinstalación de Teruo Koike

24.09.2020. Afundación, a Obra Social de ABANCA, acolle na súa sede da Coruña, no marco da Mostra de Cinema Periférico (S8), a videoinstalación asinada polo músico e realizador xaponés Teruo Koike, participante na (S8) de Xapón en 2014, na que reflicte a súa experiencia ante o tratamento de quimioterapia que está recibindo.

Cada día Koike interpreta-crea unha peza audiovisual innovadora, onde se grava a si mesmo interpretando cun instrumento musical unha peza sonora que sobe ás redes sociais. Os diferentes instrumentos van aparecendo a diario, creando unha composición musical e audiovisual, capa tras capa, converténdose nun home orquestra, xerando un bucle constante de imaxe e son integrando tamén a súa propia voz e algúns obxectos sonoros reciclados, manipulados e construídos polo propio Teruo, xerando un concerto in crescendo, combatendo a súa enfermidade coa creación, cun canto á esperanza e á vida. Os vídeos gravados proxéctanse sobre unha parede en bucle para ver como se vai sumando cada instrumento ao anterior xerando un concerto musical e visual.

Toda la información de la actividad de Afundación, en nuestra SALA DE PRENSA.