A Real Filharmonía de Galicia, no Teatro Afundación Vigo

Afundación, a Obra Social de ABANCA, continúa a súa Tempada de Música Clásica, organizada en colaboración coa Sociedade Filarmónica de Vigo no Teatro Afundación de Vigo. O quinto recital protagonízao a Real Filharmonía de Galicia Real Filharmonía de Galicia o 29 de marzo, dirixida por Diego Martin Etxeberría. O repertorio inclúe Jeu d’enfants, de George Bizet, Ballet marchand d’oiseaux, de Germaine Tailleferre, e a Sinfonía Roma, de George Bizet.

Esta tempada está enmarcada no programa solidario «Cultura por alimentos», en colaboración coa Federación Española de Bancos de Alimentos (FESBAL), que convida as persoas asistentes ás funcións para colaborar con esta campaña, depositando produtos non perecedoiros á entrada do teatro. Así mesmo, en liña coa promoción social da cultura, Afundación ofrece ás persoas menores de 35 anos as entradas a 5 euros media hora antes do comezo do concerto.

As imaxes están dispoñibles aquí:
https://drive.google.com/drive/folders/1iwJjdtALEkOd-1W75uZY-XEiYF1-tZlc?usp=share_link

A PROGRAMACIÓN DOS SEGUINTES CONCERTOS

O xoves 27 de abril a Orquestra Sinfónica de Galicia contará coa dirección de Lina González-Selectos e o solista violín Alexandra Conucova.

En maio, o venres 5 regresará a Real Filharmonía de Galicia coa dirección de Paul Daniel e co violín de Nemanja Radulovic. O xoves 18 volve ser a quenda da Orquestra Sinfónica de Galicia con dirección de Antonello Manacorda e a solista de violín Liza Ferschtman. E o mércores 24 de maio a Real Filharmonía de Galicia contará coa dirección de Jordi Francés.

Para finalizar, o 8 de xuño, Dima Slobodeniouk dirixirá a Orquestra Sinfónica de Galicia.