A praia de Area en Viveiro loce moito máis limpa tras unha nova xornada de limpeza organizada por Afundación

10.03.2022. Convocadas pola Obra Social de ABANCA no marco do seu proxecto PLANCTON, 89 persoas, entre as que se encontraban tanto escolares do colexio Landro como persoas voluntarias da asociación ASPANANE e do Espazo +60 Afundación de Viveiro, levaron a cabo ao longo de toda a mañá unha xornada de limpeza de residuos mariños, na praia de Area, en Viveiro.

En total, conseguiron retirar máis de 34,3 quilos de refugallos mariños do contorno, principalmente obxectos de uso cotián procedentes de terra firme, sobre todo envases plásticos, tapas e tapónes, envoltorios, bastóns de limpar os oídos ou cabichas, por citar algúns dos máis significativos, ademais doutra serie de obxectos extraviados durante o exercicio da actividade pesqueira, como pequenos anacos de redes, cabos, cabiños ou sedais enleados.

A desta mañá, foi a primeira de moitas máis accións de limpeza deste tipo en praias que Afundación ten previsto levar a cabo ao longo de todo o ano en distintos lugares da xeografía galega nesta segunda edición do seu programa PLANCTON, unha iniciativa iniciada o pasado ano e que ata a data conseguiu retirar xa case 20 toneladas de refugallos de diferentes praias e fondos da comunidade. O seu obxectivo é fomentar a conservación e a sostbilidade das actividades socioeconómicas desenvolvidas principalmente no ámbito de influencia das Zonas de Especial Protección de Aves Marinas de Galicia (ZEPA) así como doutras zonas da Rede Natura 2000, coma el contorno no que actuaron hoxe as persoas voluntarias participantes.

As imaxes da xornada están dispoñibles na seguinte ligazón:

https://drive.google.com/drive/folders/1zn3qvsQ26beN195dka0ywyXMZbpOOfuH?usp=sharing

Toda a información da actividade de Afundación, na nosa SALA DE PRENSA.