A nostalxia e a alegría da infancia, en Generación Sésamo na Sede Afundación Pontevedra

14.03.2022. A Sede Afundación Pontevedra acolle o próximo 27 de marzo, ás 18.00 h, a proposta de Generación Sésamo, un musical no que as familias ao completo gozarán dos acordes que marcaron as súas infancias. As persoas adultas, rememorando os programas da súa nenez, e as máis pequenas, coas melodías máis actuais das series que seguen. As entradas para este evento están á venda en Ataquilla.com.

Generación Sésamo

Nesta proposta musical dúas xeracións gozarán da banda sonora da súa infancia. Por un lado, e facendo honra ao título, as persoas que nos anos oitenta e principios dos noventa desfrutaron coas sintonías de programas tan entrañables como o protagonizado polo famoso ourizo rosa Espinete. Por outro, quen agora mesmo se encontran na nenez e cantan algunhas das melodías máis representativas de series infantís. Cun formato de encontro escénico e de musical, maiores e pequenos compartirán momentos en familia a través da banda sonora que marca os primeiros anos das súas vidas.

Toda a información da actividade de Afundación, na nosa SALA DE PRENSA.