ABANCA, Afundación e o Ayuntamiento de Xixón asinan un convenio de colaboración cultural
ABANCA y su Obra Social, Afundación, continúan estendendo a súa actividade cultural máis aló da comunidade galega e reforzando o seu compromiso coa educación e a formación mediante a sinatura dun convenio de colaboración co Ayuntamiento de Xixón. A sinatura tivo lugar esta mañá no despacho da Vicesecretaría do Ayuntamiento de Xixón e a ela asistiron o director de Negocio Institucional de ABANCA en Galicia, Asturias e León, Lino Comesaña, e o concelleiro de Educación y Cultura, Alberto Ferrao.
Mediante este acordo, ABANCA e Afundación desenvolverán na cidade de Xixón o seu programa Educación século XXI, un ciclo de conferencias que ten como obxectivo crear un marco para a reflexión sobre o labor e os retos aos que se enfrontan familias, profesores e estudantes na educación e a docencia actuais.
Así, no marco deste programa, o docente e escritor César Bona, finalista de los Global Teacher Prize 2015, ofrecerá a conferencia A emoción de aprender. Será o mércores 20 de novembro, ás 19.30 h, no Instituto Jovellanos de Xixón.
A ÁREA EDUCATIVA DE AFUNDACIÓN, A OBRA SOCIAL DE ABANCA
O obxectivo no campo formativo de Afundación está definido pola vocación ao redor dunha educación comprometida mediante a defensa dun sólido sistema educativo integral. Partindo da importancia da escola como centro de aprendizaxe, as propostas de Afundación pretenden complementar o ensino académico, especialmente a instrución, presentando uns espazos e unhas actividades que conxugan o lúdico e o formativo co fortalecemento de valores esenciais para unha sociedade cohesionada. Deste xeito, a entidade está comprometida coa tolerancia, co respecto, coa solidariedade e, por suposto, coa adquisición por parte de cada nena e de cada neno das ferramentas necesarias para perseverar na adquisición da súa autonomía persoal.
A propostas da Área Educativa de Afundación abranguen múltiples disciplinas e fomentan o desenvolvemento de competencias transversais. Así, o seu programa inclúe actividades culturais en artes escénicas e plásticas e de fomento da lectura; actividades interxeracionais que reforzan o respecto e o intercambio de coñecementos entre mocidade e xente maior; actividades de educación ambiental para abordar a importancia do respecto polo medio; actividades de novas tecnoloxías, necesarias para o emprego das ferramentas imprescindibles nunha contorna que innova de maneira permanente; e actividades de cociña que ensinan os beneficios dunha alimentación saudable.