Continúa o ciclo de cine das actividades paralelas da programación lírica na Sede Afundación da Coruña

10.09.2021. Baixo a dirección dun dos mestres do cine a nivel internacional, Federico Fellini, poderase ver o luns 13 de setembro ás 19.00 h na Sede Afundación A Coruña o filme La strada, un relato da vida artística nómade. Foi a primeira longametraxe en recibir un Oscar á mellor película de fala non inglesa e está recoñecida como unha das mellores producións de todos os tempos. Esta proxección é parte do ciclo de cine que Amigos de la Ópera organiza na Sede Afundación A Coruña ao longo de setembro e outubro.

O acceso é libre e gratuíto, e as persoas interesadas en asistir deberán inscribirse previamente. Poderano facer na Sede de Afundación da Coruña (Cantón Grande, 8) ou no teléfono 981 185 060.

Ciclo de cine

13 de setembro. La Strada. Italia, 1954. Dirección: Federico Fellini. Intérpretes: Anthony Quinn, Giulietta Masina, Lina Venturini. 104 min. VOS.

20 de setembro. Balada triste de trompeta. España/Francia, 2010. Dirección: Álex de la Iglesia. Intérpretes: Antonio de la Torre, Carolina Bang, Carlos Areces, Sancho Gracia. 101 min.

27 de setembro. Los Intocables. EE UU, 1987. Dirección: Brian de Palma. Intérpretes: Kevin Costner, Sean Connery, Robert de Niro. 120 min.

4 de outubro. Florence Foster Jenkins. Reino Unido, 2016. 110 min. Dirección: Stephen Frears. Intérpretes: Meryl Streep, Hugh Grant. VOS.

11 de outubro. 2046. Hong Kong/EE. UU., 2004. Dirección: Wong Kar Wai. Intérpretes: Tony Leung, Gong Li, Zhang Ziyi. VOS. 129 min.

Toda a información da actividade de Afundación, na nosa SALA DE PRENSA.