Afundación, Lunwerg Editores e o Concello de Ferrol inauguran a mostra a pé de rúa «Vivir o mar»
23.09.2020. Afundación, a Obra Social de ABANCA, Lunwerg Editores e o Concello de Ferrol inauguraron esta mañá, ás 11.00 h, a exposición de imaxes do recoñecido fotógrafo Philippe Plisson, «Vivir o mar». Asistiron ao acto de inauguración Antonio Golpe, primeiro tenente de alcalde e concelleiro de Cultura de Ferrol, e Verónica Rego López, coordinadora da Sede Afundación Ferrol. Poderase visitar ata o 25 de outubro a pé de rúa na praza de Armas da cidade grazas á implicación neste proxecto do Concello ferrolán, trasladando así a cultura aos espazos abertos.
As imaxes están dispoñibles aquí.
As emblemáticas fotografías de Plisson son o resultado de vinte e cinco anos de traballo en cincuenta países diferentes. A forza e a beleza das instantáneas axudan a sensibilizar e a visibilizar sobre o estado dos mares e océanos e invitan a adquirir un compromiso coa conservación do medio mariño, orixe e sustento da vida no noso planeta. Con esta exposición, Afundación sae á rúa compartindo espazos de lecer, de paseo, e enriquecendo os momentos de encontro nos espazos públicos cunha achega cultural de primeira orde que reúne mensaxe, beleza, transcendencia e emoción. Neste caso, o encontro será na emblemática praza de Armas ferrolá, a raíz da colaboración establecida entre Afundación, a Obra Social de ABANCA, Lunwerg Editores e o Concello de Ferrol.
Toda a información da actividade de Afundación, na nosa SALA DE PRENSA.