Afundación acolle na súa Sede da Coruña un poemario de apoio á Cociña Económica

27.04.2022. O xoves 28 de abril ás 20.00 h, Afundación, a Obra Social de ABANCA, acollerá na súa Sede da Coruña a presentación do poemario Poetas na cociña II. Trátase dunha obra de carácter solidario, cuxa recadación de vendas estará destinada á Cociña Económica, unha entidade imprescindible na primeira liña de atención inmediata ás persoas socialmente máis vulnerables. A Cociña Económica é unha institución que ten como fin chegar onde non alcanzan outras institucións, e o seu obxectivo non é outro que axudar a veciñanza que, por un ou outro motivo, non pode satisfacer as necesidades máis esenciais.

Afundación, como entidade comprometida co impulso social, un dos seus eixes transversais, acolle na súa sede a presentación dun libro de poemas que reúne as composicións de nomes tan destacados das letras líricas galegas coma Carlos Abeledo, Yolanda Castaño, Francisco Fernández Naval, Olga Patiño, Henrique Rabuñal, Xabier Seoane, Xosé Carlos Ulloa García, Xulio Valcárcel, Diana Varela Puñal, Eva Veiga e Montserrat Yoldi Sanmartín.

O vídeo da Cociña Económica está dispoñible aquí.

Toda a información da actividade de Afundación, na nosa SALA DE PRENSA.