Sede da Fundación Caixa Galicia na Coruña

A nova sede da Coruña é un claro expoñente da arquitectura de comezos do século XXI. Situada entre o Cantón Grande ou de Porlier, ensanche e centro dinamizador da cidade, e a rúa da Estrela, antiga rúa de orixe medieval, é unha obra que completa a fronte de edificacións do Cantón e une o tecido histórico urbano.

O arquitecto británico Nicholas Grimshaw deseñou un edificio aberto e cheo de luz, integrando fachada e cuberta nunha mesma entidade e resolvendo cunha lámina curva a envolvente, que se adapta ás cotas de edificación. O seu remate semella a crista dunha onda mariña penetrándo nos Cantóns.

Esta publicación describe os condicionantes da parcela e da conta da intervención arqueolóxica, mostra os proxectos iniciais, os elementos crave da construción e da enxeñaría e realiza un percorrido en imaxes polo edificio; achega un completo perfil do arquitecto, con referencias a obras afíns á sede coruñesa da fundación, e finalmente contextualiza a importancia do Cantón na configuración urbana.