Tríptico campestre

Comentarios

Ó impacto inicial que produce o grande formato xuntánse as cualidades dun excelente debuxante e brillante colorista. A composición estructúrase en tres paneis, articulados con grupos de figuras que, con xestos e actitudes, establecen unha comunicación entre eles. A disposición do fondo arquitectónico, un pouco nesgado, favorece o alleamento da paisaxe que se abre, á esquerda, con grande luminosidade. En primeiro termo, describe situacións típicas, xustapoñendo grupos de figuras de grande consistencia plástica, realizando tarefas cotiás. A monumentalidade da escena central acentúase co escorzo de abaixo arriba, provocado por un enlace de figuras, desde o bordo inferior da tea, ata a campesiña montada enriba do cabalo. Con grande realismo reproduce a natureza morta e recréase na descrición do traxe típico galego. Dálle especial importancia á cor blanquecina que se estende pola parede e continúa no cabelo e no pano da moza.

Bibliografía

F. Pablos "Do Romanticismo ós anos vinte", catálogo da exposición, reproducido co nº 77, Vigo 1996.

Exposiciones

"Do Romanticismo aos anos vinte" maio-xuño 1996, Centro Cultural Caixavigo.

Exposición "Espazo Colección Caixanova", no Centro Social Caixanova Vigo, dende o 22 de novembro de 2006.

Reproducciones

"Colección Caixavigo. Pintura-Escultura-Dibujo". Tomo 1, páxina 94-95.