Finalistas do XLIV PREMIO INTERNACIONAL AFUNDACIÓN DE PERIODISMO JULIO CAMBA
Xa contamos coas persoas finalistas do XLIV Premio Internacional Afundación de Xornalismo Julio Camba: tres columnistas de opinión de tres dos principais xornais de España son os finalistas da 44ª edición do Premio Internacional Afundación de Periodismo Julio Camba. A escritora María Sánchez opta cunha columna publicada en La Vanguardia; o xornalista Armando Álvarez cun artigo publicado en Faro de Vigo; e José María Paz Gago presentou ao premio unha das súas columnas en ABC.
FINALISTAS
ARMANDO ÁLVAREZ | polo artigo «El glaciar y la luz» | Faro de Vigo
MARÍA SÁNCHEZ RODRÍGUEZ | polo artigo «Escoitar aos mortos» | La Vanguardia
JOSÉ MARÍA PAZ GAGO | por el artículo «La pluma y la pistola» | «La Tercera» de ABC
O xurado resolveu así, pois, esta nova edición 44.ª, integrado por Alfredo Conde, Cristina Sánchez Andrade, Bibiana Candia, Gervasio Posadas, Ramón Pernas, Isaac González Toribio e, como novas incorporacións nesta edición, o escritor Sergio Ramírez e o director da Fundación Gabo, Jaime Abello.
Un total de 134 xornalistas de 5 países do ámbito de fala hispana disputarán o cuadraxésimo cuarto Premio Internacional Afundación de Periodismo Julio Camba, un dos galardóns á calidade da prosa xornalística máis veteranos de España. O premio resolverase e entregará en Madrid no mes de novembro.
O certame, que leva o nome do xornalista galego Julio Camba, un dos articulistas máis celebrados do século XX no ámbito hispanofalante, foi aumentando progresivamente o seu número de participantes, ata acadar cifras récord nas súas últimas convocatorias. Para esta edición, Afundación recibiu artigos chegados de Arxentina, Colombia, Costa Rica, México e España, e o obxectivo para as próximas é afianzar a súa internacionalización para que alcance unha representatividade maior dos referentes do articulismo de América Latina.
O autor ou autora do artigo premiado nesta nova edición sumarase a unha relación histórica de galardoados na que se inclúen algunhas das mellores sinaturas do xornalismo español do último medio século. Tan só desde o ano 2000, gañaron o Premio Internacional Afundación de Periodismo Julio Camba columnistas como Ángeles Caso, Manuel Rivas, Fernando Savater, Ricardo Fernández Colmenero, Cristina Sánchez Andrade, Ignacio Camacho, Bibiana Candia ou Felipe Benítez Reyes.
NÓMINA DE PREMIADOS
A persoa elixida na XLIV edición do Premio Internacional Afundación de Periodismo Julio Camba sumarase á extensa nómina de premiadas e premiados desde 1980: Gonzalo Fernández de la Mora, Luciano del Río Besada, Carlos García Bayón, Alfredo Conde, Bernardo Víctor Carande, Antonio Odriozola, Raimundo García Fernández, Adolfo Prego, José Montero Alonso, Rafael Landín Carrasco, Julio Sierra, Xesús Ferro Ruibal, Arturo Lezcano Fernández, Santiago Castelo, Torcuato Luca de Tena, Carlos Casares, Miguel Ángel Cuadrado, Juan Manuel de Prada Blanco, Diego Bernal López, Alfonso Eire López, César Casal González, Miguel Suárez Abel, Manuel Rivas Barros, Manuel Jabois Sueiro, Marino Gómez Santos, Eugenio Fuente, Fernando Savater, Felipe Benítez Reyes, Andrés Trapiello, Pedro Ugarte Tamayo, Ángela Vallvey Arévalo, Ramón Pernas López, José Manuel Otero Lastres, Ángeles Caso, Luis Ventoso, Ignacio Camacho, Ramón Loureiro Calvo, Miguel Anxo Murado, Ricardo Fernández Colmenero, Cristina Sánchez Andrade, Luís Pousa, Bibiana Candia e Manuel de Lorenzo Paradela, gañador da pasada edición.
JULIO CAMBA
Julio Camba (Vilanova de Arousa, 1884 – Madrid, 1962) pertence á estirpe dos grandes escritores que desenvolveron boa parte da súa actividade nos xornais, do mesmo xeito que Wenceslao Fernández Flórez, Josep Pla, Azorín, Álvaro Cunqueiro, Max Aub, Corpus Barga… Personaxe de biografía viaxeira, correspondente en distintos países, autor de espírito libre e talante liberal, a súa obra foi recollida en diversos volumes e é estudada tanto nas facultades de Literatura como de Xornalismo. Entre os seus títulos máis coñecidos destacan Haciendo la República (1934), Aventuras de una peseta (1942), La ciudad automática (1942), Alemania, impresiones de un español (1947), La rana viajera (1947), Un año en el otro mundo (1959), La casa de Lúculo o el arte de comer (1961), etc. A súa obra caracterízase pola imaxinación e o humor, a capacidade de observación e un espírito crítico, literario, que captura ao lector con intelixencia e extraordinaria eficacia, valores que se procuran mediante a convocatoria deste premio.