Visita á exposición “A Garda Civil ao servizo da cidadanía”, Espazo +60 Ourense

As persoas socias do Espazo +60 Afundación de Ourense achegaranse á sala José Ángel Valente para visitar a exposición “A Garda Civil ao servizo da cidadanía”. Mostra itinerante, organizada pola Fundación Guardia Civil, na que se expoñen diferentes paneis e materiais sobre a historia deste corpo de seguridade, a súa estrutura e organización, así como as súas funcións, misións e especialidades. Esta mostra está percorrendo a xeografía española e con ela os socios poderán coñecer os máis de 175 anos de historia da Garda Civil, desde a súa creación en 1844.

Actividade gratuíta. Prazas limitadas. Apúntate no Espazo +60 antes do 13 de abril.