Viaxe a Estremadura e val do Jerte, Espazos +60 Afundación
PRAZAS CUBIERTAS, se cubres o formulario quedarás anotado na lista de agarda. Abrimos a segunda quenda.
Estremadura é unha fermosa rexión do suroeste de España, cunha rica historia, unha cultura única e unha impresionante beleza natural. Coñecida polas súas vastas chairas, montañas impoñentes e encantadoras localidades, Estremadura ofrece aos visitantes unha experiencia inesquecible.
Co seu legado histórico, Estremadura é fogar de numerosos vestixios de civilizacións pasadas. Mérida, a capital rexional, alberga un dos conxuntos arqueolóxicos romanos mellor conservados do mundo, declarado Patrimonio da Humanidade pola UNESCO. Os seus monumentos, como o teatro romano, o anfiteatro e a impresionante ponte romana, transpórtannos no tempo e permítennos imaxinar como era a vida na antiga Emérita Augusta.
Ademais de Mérida, Estremadura conta con outras xoias históricas como Cáceres e Trujillo. Cáceres, tamén Patrimonio da Humanidade, caracterízase polo seu centro histórico medieval ben conservado, con rúas empedradas, prazas encantadoras e pazos renacentistas. Trujillo, pola súa parte, destaca polo seu impoñente castelo e os seus edificios señoriais, que testemuñan a importancia da cidade durante a época dos descubrimentos.
Pero Estremadura non só se limita ao seu legado histórico, a rexión tamén posúe unha gran diversidade de paisaxes naturais. Un lugar destacado é o Parque Nacional de Sierra de Guadalupe, famoso polo seu mosteiro franciscano e as súas extensas áreas boscosas.
A gastronomía de Estremadura é outro dos seus atractivos. A rexión é coñecida polos seus produtos de calidade, como o famoso xamón ibérico de belota, o queixo da Serena e o aceite de oliva virxe extra. Os pratos tradicionais, como o gazpacho estremeño, o leitón asado e a sopa de tomate, deleitan o padal de quen visita a rexión.
En resumo, Estremadura é unha rexión chea de historia, cultura e natureza. Os seus monumentos impresionantes, as súas paisaxes fascinantes e a súa exquisita gastronomía convértena nun destino único. Xa sexa explorando as súas antigas cidades, gozando da beleza natural ou saboreando os seus deliciosos pratos, Estremadura ofrece unha experiencia enriquecedora para todos os seus visitantes.
Do 7 ao 12 de abril as persoas socias dos Espazos +60 visitarán Estremadura e val do Jerte.
O 7 de abril sairán desde os diferentes Espazos +60 en autobús dirección Benavente, que será o punto de encontro dos Espazos +60 (zona norte e sur de Galicia). Chegarán a Zamora para xantar. Posteriormente farán un pequeno paseo guiado pola cidade, que os levará a descubrir a riqueza histórica e cultural desta encantadora cidade e poderán admirar os seus monumentos emblemáticos, como a catedral e o castelo, mentres aprenderán sobre o seu fascinante pasado medieval. Rematada a visita, continuarán a viaxe cara a Cáceres. Chegada a Cáceres e check in no hotel Don Manuel 4*. Cea e aloxamento.
O 8 de abril, despois de almorzar, sairán para realizar a visita a Cáceres con guía local, declarada Cidade Patrimonio da Humanidade pola Unesco, onde destaca o seu barrio antigo e monumental, a torre de Bujaco, a Casa del Mono e a ermida de la Paz. Regresarán ao hotel para xantar. Pola tarde sairán cara á a comarca do Jerte, famosa polas súas cerdeiras en flor. Destaca Jerte, con arquitectura popular e casas brasonadas. En Cabezuela del Valle destacan as piscinas naturais e o seu conxunto histórico - artístico, con rúas empinadas e vías labirínticas con deseño medieval. Regresarán ao hotel, cea e aloxamento.
O 9 de abril, despois de almorzar, realizarán unha excursión de día completo con xantar en restaurante para visitar a comarca de La Vera, coas localidades de Jaraíz de La Vera, Cuacos de Yuste e Garganta la Olla. En Jaraíz de La Vera, famosa polo seu pemento, atoparán unha típica vila da comarca, onde poderán dar un paseo. Destaca tamén o mosteiro de Yuste, fundado no século XV. Nel pasou os seus derradeiros anos o emperador Carlos V. Posúe dous claustros, un gótico e outro renacentista. Visitarán a pintoresca vila de Garganta la Olla, coas súas rúas empedradas e casas típicas. Tamén visitarán Jarandilla de La Vera. Regresarán ao hotel. Cea e aloxamento.
O 10 de abril, despois de almorzar, sairán cara ao mosteiro de Guadalupe (entrada incluída), declarado pola Unesco Patrimonio da Humanidade en 1993. No seu interior pode visitarse tamén o museo dos bordados e o de pintura e escultura con obras de autores con Zurbarán, Goya ou O Greco. Xantarán en restaurante. Pola tarde partirán cara a Trujillo, visita con guía local. Trujillo é terra de descubridores como Francisco Pizarro que conquistou Perú e Francisco Orellana, o río Amazonas. Dos seus monumentos destacan o castelo (antigo alcázar árabe), a igrexa de Santa María la Mayor (s.XIII) e os palacios da praza Mayor, onde se atopa a famosa estatua ecuestre de Francisco Pizarro. O convento de Santa Clara alberga o Parador Nacional de Trujillo. Regresarán ao hotel, cea e aloxamento.
O 11 de abril, despois de almorzar, visitarán Mérida con guía local. Cidade Patrimonio da Humanidade pola Unesco, coñecida como Emérita Augusta, foi unha das cidades máis brillantes do imperio romano. En primeiro lugar, farán unha visita panorámica polo río Guadiana, os seus xardíns, a ponte romana de Mérida, chegando ao "Teatro Romano" que data do ano 15 AC e que foi recoñecido como un dos doce tesouros de España. Visitarán os exteriores do teatro e anfiteatro, a ponte romana, a praza de España, a rúa peonal de Santa Eulalia, o templo de Diana e o foro romano. Xantarán en restaurante. Pola tarde visitarán Zafra, unha encantadora cidade na rexión de Estremadura, que ofrece aos seus visitantes unha viaxe ao pasado. O seu impoñente alcázar dos Duques de Feria, o centro histórico antigo coa súa praza Grande e o convento de Santa Clara son imperdibles. O museo de Santa Clara mostra a rica historia local. Ademais, a gastronomía de Zafra deleita con pratos tradicionais e doces conventuais. Durante a Feira Internacional Gandeira, en setembro, a cidade cobra vida con animados espectáculos. Regresarán ao hotel. Cea e aloxamento.
O 12 de abril, despois de almorzar, visitarán a cidade de Plasencia. O extenso patrimonio arquitectónico que ten esta cidade sitúase principalmente na zona antiga arredor da praza Mayor onde se atopa a Casa Consistorial.
Pasearán en fronte da catedral vella e nova, o museo catedral, a igrexa de San Nicolás, os restos das murallas do s.XII que rodeaban a cidade, a torre Lucía e o cuartel, os seus monumentos militares máis destacados. Ademais conta cun rico patrimonio civil formado por numerosos pazos e casas señoriais.
Xantarán en restaurante. Continuarán o camiño de volta aos Espazos+60.
A viaxe, organizada por Viajes Embajador, inclúe:
- Estancia de 5 noites en Gran Hotel Don Manuel Cáceres 4*
- Autocar para traslados e excursións según itinerario descrito
- Réxime de auga e viño incluídos nas comidas
- Café incluído nas comidas
- 6 almorzos en restaurante ou hotel
- 5 ceas en hotel
- Guía local medio día en Cáceres
- Visita guiada a Trujillo
- Guía local medio día en Mérida
- Visita guiada en Zafra
- Entrada ao mosteiro de Guadalupe
- Entrada mosteiro de Yuste
- Entrada anfiteatro romano de Mérida
- Excursións segundo itinerario adxunto
- Audioguías para as visitas con guía local
- 1 acompañante de Viajes Embajador e 2 acompañantes de Afundación
PREZOS (baseados nun grupo de 35 - 45 pasaxeiros)
En habitación dobre/ persoa socia ABANCA: 972 €
En habitación dobre/ persoa socia: 1069,2 €
Suplemento habitación individual: 205 € (prazas limitadas)
*No caso de cancelación do acompañante ou de non atopar unha persoa para compartir habitación, o cliente deberá asumir o custo do suplemento individual.
PRAZOS DE PAGAMENTO:
No momento da inscrición: 486€ para persoas socias Abanca e 534,6€ para persoas socias
Antes do 22 de marzo: 486€ para persoas socias Abanca e 534,6€ para persoas socias + suplemento habitación individual (205€)
HOTEL PREVISTO OU SIMILAR:
Cáceres: Gran Hotel Don Manuel Cáceres 4*
CONDICIÓNS DE CANCELACIÓN:
Ata 60 días antes: penalización de 150 €/ persoa
59-30 días antes: penalización de 350 €/ persoa
30-15 días antes: penalización de 600 €/ persoa
Dentro dos 14 días previos á viaxe: penalización do 100 % dos gastos
PROCEDEMENTO DE INSCRICIÓN:
A inscrición será efectiva unha vez cubra o formulario online, desde o 20 de febreiro ás 10.00 horas ata que se cubran as prazas. Para verificar que a súa inscrición foi enviada correctamente recibirá un correo electrónico de confirmación. Se non recibe ese correo electrónico contacte con nós no 698 122 915.
As prazas do autobús outorgaranse por rigorosa orde de inscrición.
Se aínda non es socio ou socia e queres viaxar con nós, podes pasarte por un Espazo +60 ou solicitar cita.
(*) Condicións completas no teu Espazo +60 Afundación ou en Viajes Embajador (Praza de Galicia, 6, baixo - A Coruña 981 210 486).