Vía da Prata (108 km)
3 de xuño – Etapa Ourense – San Cristovo de Cea (22 km)
Traslados desde os Espazos +60 de Lugo – Monforte - Ourense - Ferrol - Pontedeume - Pontevedra - Vigo - Viveiro e Santiago ata o hotel de Carballiño.
Chegada ao hotel e punto de encontro co guía que nos explicará a organización da viaxe. Comezaremos o Camiño na cidade de Ourense e dirixirémonos cara a Cea, coñecido polo seu famoso pan: 'Pan de Cea'. A primeira etapa é a máis difícil, cunha subida constante. Pasaremos por Tamallancos, coa súa igrexa de Santa María e o pazo barroco e, despois de Sobreira, cruzaremos a ponte do século XIII sobre o río Barbantiño. Xantar en ruta ou no hotel. Cea e aloxamento no hotel de Caballiño
4 de xuño – Etapa San Cristovo de Cea – Dozón (21 km)
Almorzo. Ao pouco de saír de Cea, atoparemos un curioso recordo desa fermosa poboación, que consiste nun monumento á muller que amasa o pan no seu forno de leña. Tras pasar por diante de Pieles, entraremos en Oseira. Percorreremos sendeiros sombreados no campo, cara ao mosterio de Oseira (século XIII), un dos grandes monumentos de Galicia, considerado por moitos como o "Escorial Galego". Seguiremos por unha estrada rural moi tranquila ata chegar a Dozón, pasando pola provincia de Pontevedra. Xantar en ruta ou no hotel. Traslado ao hotel. Cea e aloxamento no hotel de Caballiño
5 de xuño – Etapa Dozón – Lalín (17 km)
Almorzo. Comezaremos o día cunha subida á tapa dun outeiro cunhas vistas asombrosas. Pasaremos xunto á igrexa de San Salvador, ata chegar ao alto de Santo Domingo. Volveremos ao camiño ata chegar a Puxallos, a primeira aldea do concello de Lalín. Pasaremos xunto á ermida e unha moderna escultura de Santiago peregrino que provocará a nosa admiración. Continuaremos polo campo ata chegar á estación de Lalín. Xantar en ruta ou no hotel. Cea e aloxamento no hotel de Caballiño
6 de xuño – Etapa Lalín – Silleda (15 km)
Almorzo. Esta etapa vainos ofrecer as fermosas paisaxes do Deza, unha coñecida bisbarra agrícola galega. Xa que se trata dunha xornada non tan dura en canto a quilómetros, poderemos dedicarlles máis tempo aos pequenos detalles que vaian xurdindo ao noso paso. Unha agradable etapa curta, subindo e baixando por bosques, terras de cultivo e pequenas poboacións antes de entrar en Silleda, famosa polas súas feiras gandeiras e agrícolas, incluída a Semana Verde. Xantar en ruta ou no hotel. Cea e aloxamento no hotel de Santiago
7 de xuño – Etapa Silleda – Ponte Ulla (20 km)
Almorzo. Comezaremos cun fácil paseo por Bandeira, unha cidade famosa polas súas empanadas. Continuaremos descendendo por terras de cultivo e poboacións. Xusto antes de baixar á Ponte Ulla, o castelo antigo merece unha visita polas súas vistas panorámicas de 360 graos. En Ponte Ulla, poderemos achegarnos á igrexa de Santa María da Magdalena e a súa fachada románica moi detallada. Xantar en ruta ou no hotel. Traslado ao hotel de Santiago. Cea e aloxamento no hotel de Santiago
8 de xuño – Etapa Ponte Ulla – Santiago de Compostela (20 km)
Almorzo. Sairemos de Ponte Ulla, subiremos cara ao Pico Sacro coa súa ermida de San Sebastián e gozaremos dunhas vistas impresionantes. Os dous últimos quilómetros de Santiago aínda son bastante rurais e é difícil crer que estamos tan preto dunha cidade. Máis adiante, Piñeiro e Angrois achégannos ata o tramo empedrado da calzada de Sar, último elo para afrontar o entramado de rúas da capital de Galicia, Santiago, Patrimonio da Humanidade da UNESCO coa súa mundialmente famosa Catedral. Afrontaremos a dura subida da rúa do Sar e Castrón Douro, para cruzar baixo o arco da Porta de Mazarelos, a única porta da antiga muralla que resiste en pé. Chegaremos así á praza da Universidade e continuaremos de fronte pola rúa da Caldeirería. Continuaremos polas súas rúas empedradas ata a praza das Praterías; os últimos pasos condúcennos á praza do Obradoiro, onde conflúen todos os camiños e peregrinos do mundo. Xantar en ruta ou no hotel. Cea e aloxamento no hotel.
9 de xuño - Santiago de Compostela – Espazos +60
Almorzo. Tempo libre en Santiago ata o traslado de regreso aos Espazos +60